guán 　ê　ha̍k-hāu

阮學校的運動埕實在巧

guán ha̍k-hāu ê ūn-tōng-tiânn khá

運動活動嘛袂少

ūn-tōng ua̍h-tāng mā bē　tsió

阮學校的教室有歷史

guán ha̍k-hāu ê kàu-sik　ǔ　li̍k-sú

書香氣味四界飄

su　phang　khì　bī　sì-kè  phiau

阮學校的老師有智慧

guán　ha̍k-hāu ê lāu-su　ǔ　tì-huī

逐个????教閣愛學生

ta̍k ê　gâu  kà　koh　ài　ha̍k-sing

這就是阮的學校

tse　tō sī　 guán ê　ha̍k-hāu　

鯤鯓國小khun-sin　kok-sió

廟會     

biō-huē

一年一度的地方盛會

tsi̍t　nî　tsi̍t　tōo　ê　tē-hng　sīng-huē

王爺出巡   鑼鼓喧天

ông-iâ se̍h tshut-sûn lô-kóo suan thinn

大人囡仔做伙來

tuā-lâng　gín-á　tsò-hué lâi

四界鬧熱滾滾

sì-kè　lāu-jia̍t kún kún

暗時  煙火照亮了青鯤鯓

àm-sî ian-hué tsiò kng liáu tshenn khun sin

若親像天頂的神明賜福予居民

ná-tshin-tshiūnn thinn-tíng　ê sîn-bîng sù hok hōo ki-bîn

庇佑大家攏平安

pì-iū ta-ke lóng pîng-an

青鯤鯓的風       

tshenn khun sin　ê　hong

風 　吹啊吹

hong 　tshue  a  tshue

有時溫柔 　　  有時粗魯

ǔ  sî  un  jiû　　   ǔ  sî  tshoo  lóo

????著討海人的期待     

tshuǎ　tio̍k　thó　hái　lâng　 ê　kî-thāi

摻著海的目屎

tsham　tio̍k　 hái　ê　ba̍k-sái

佇漁民的心內有鹹鹹的味道

tī hî-bîn ê sim lǎi ǔ kiâm kiâm ê bī

青山漁港

tshing-san hî-káng

青山漁港有夠讚

tshing-san hî-káng ū-kàu tsán

蟳仔、三點仔攏入港

tsîm-á sam- tiám-á lóng ji̍p-káng

中秋蟳仔鮮閣甜

Tiong-tshiu tsîm-á tshinn koh tinn

人客滿手提袂離

lâng-kheh muá shiú the̍h-bē-lī

十月的火燒蝦

tsa̍p gue̍h ê hué- sio- hê

炒蝦仔乾  香 香 香

tshá hê-á-kuann  phang phang phang

煮蝦仔乾  鮮 鮮 鮮

tsú hê-á-kuann  tshinn tshinn tshinn

大人囝仔攏愛食

tuā-lâng gín-á lóng ài tsia̍h

上鮮上香的…蝦仔乾

siōng tshinn siōng phang ê hê-á-kuann

我問阿媽  啥物是蝦仔乾

guá mn̄g a-má  siánn-mi̍h sī hê-á-kuann

阿媽講  就是十月的火燒蝦

a-má kóng  tō sī tsa̍p gue̍h ê

炒蝦仔乾  香 香 香

tshá hê-á-kuann  phang phang phang

煮蝦仔乾  鮮 鮮 鮮

tsú hê-á-kuann  tshinn tshinn tshinn

大人囝仔攏愛食

tuā-lâng gín-á lóng ài tsia̍h

上鮮上香的…蝦仔乾

siōng tshinn siōng phang ê hê-á-kuann

我問阿媽  按怎做蝦仔乾

guá mn̄g a-má án-tsuánn tsò hê-á-kuann

阿媽講  火燒蝦剝殼曝予焦啦

a-má kóng hué- sio- hê pok khak pha̍k hōo ta lah

鹽埕有夠媠     

iâm-tiânn　ū-kàu suí

一坵一坵像水田

tsi̍t khu tsi̍t khu tshiūnn tsuí-tshân

誠濟海鳥田中徛

tsiânn tsē hái-tsiáu tshân tiong khiā

田內攏是鹹海水

tshân lāi lóng sī kiâm hái-suí

蝦仔蚶仔食飽飽

hê-á ham-á tsia̍h pá pá

一堆一堆像落雪

tsi̍t-tui tsi̍t-tui tshiūnn lo̍h-seh

誠濟鹽花佇水底

tsiânn tsē iâm hue tī tsuí-té

田內攏是鹹海水

tshân lāi lóng sī kiâm hái-suí

愛靠日頭曝予焦

ai khò ji̍t-thâu pha̍k hōo ta

溫柔的目屎 – 蚵仔

Un-jiû ê ba̍k-sái – Ô-á

清芳蜜甜的蚵仔

Tshing-phang bi̍t-tinnê ô-á

是人人攏佮意的海上牛奶

Sī lâng-lâng lóng kah-ì ê hái-siōng gû-ni

營養滿分

Îng-ióng muá-hun

毋過佇逐家歡喜的背後

M̄-koh tī ta̍k-ke hoann-hí ê puè-āu

伊煞咧偷偷仔吼

I suah teh thau-thau-á háu

用盡伊的氣力

Iōng-tsīn i ê khuì-la̍t

骨力生出屬於伊的真珠

Kut-la̍t senn-tshut sio̍k-î i ê tsin-tsu

我的囝孫啊

Guá ê kiánn-sun ah

咱討海人著親像蚵仔仝款

Lán thó-hái-lâng tio̍h tshin-tshiūnn ô-á kāng-khuán

毋驚海上的一切打擊佮傷害

M̄-kiann hái-siōng ê it-tshè tánn-kik kah siong-hāi

生出屬於咱的美麗佮價值

Senn-tshut sio̍k-î lán-ê bí-lē kah kè-ta̍t

烏魚

Oo-hî

寒天烏金倚海岸

kuânn-thinn oo-kim uá hái-huānn

漁民出港掠烏魚

hî-bîn tshut-káng lia̍h Oo-hî

透風落雨我攏去

thàu-hong lo̍h-hōo guá lóng khì

今年收入靠這水

kin-nî siu-ji̍p khò tsit-tsuí

海上來的寶-烏魚子

Hái-siōng lâi ê pó - Oo-hî-tsí

寒天 自海上來的希望

Kuânn-thinn Tsū hái-siōng lâi ê hi-bāng

討海人歡頭喜面

Thó-hái-lâng hoann-thâu-hí-bīn

歡呼 啊！今年好過啊

Hoan-hoo Ah！Kin-nî hó-kuè ah

烏金點點

Oo-kim tiám-tiám

骨力的討海人

Kut-la̍t ê thó-hái-lâng

辛苦總算有價值

Sin-khóo tsóng-sǹg ū kè-ta̍t

滿架仔的烏魚子

Muá kè-á ê oo-hî-tsí

金黃閃爍

Kim-n̂g siám-sih

好親像迎來希望的光芒

Hó-chhin-tshiūnn gîng-lâi hi-bāng ê kong-bông

佇桌頂展開

Tī toh-tíng thián-khui